www.towxiidka.com
  
  

Murji’o

1.       Mursaliintii ka horeysay iyo                     muuse iyo ciise

2.       Allihii maxamed noo soo diraan               mahadineynaaye

3.       Munazilkii iyo axaadiistii baan                 ku mintideynaaye

4.       Iyagaa marjaca loo noqdiyo                    noo muraayada e

5.       Madmadow ninkuu kaga jiraa                 malaha iimaane

 

6.       Muqadama gabaygiyo halkay                  maayada u jeedo

7.       Murtida iyo ararteydu waa                     mucaasiriintaane

8.       Murji’adan dambeetiyo ragbay                muqayideysaaye

9.       Cilmi laguma meel maro haduu               kaa maroorsamo e

10.    Adigoo marinki raadinahayey                maxabbo kuu hayso

11.    Male iyo ta’wiil baad ku dhumin              mararka qaarkoode

 

12.    Musxafka iyo taariikhda baa                    ii markhaanti ahe

13.    Muftinimo la sheegtiyo inaan                  magac la eegayn

14.    Malcuunkii ibliis iyo hadaan                    masalki kuu keeno

15.    Isba macallin weyn buu ahaa                  maado kaa badane

16.    Malaa’igta sare buu ku jirey                    mininkay joogeene

17.    Makhluuqi u sujuud lagu yiruu               keenay madaxtaage

18.    Miisaaqi ay ilaah wada dhigteen          waa maktuub qorane

19.    Isagoo macnihii garanayuu                    diiday marinkiiye

20.    Wuxuu moolkii naareed u galay              waa mucaanidaye

 

21.    Maalkii haduu lagu bakhilo                     xaqqii masaakiinta

22.    Muslinnimo la sheegtiyo inaan                magac la eegeyne

23.    Maanicu zakaat iyo hadaan              masalkood kuu keeno

24.    Abuu bakar halkii uu marshiyo              mowqifkuu istaagay

25.    Majallooyinkii laga qoraa                     maanta ku hor yaalle

 

26.    Maqsuudkii hadii laga tagiyo                   marinkii towxiidka

27.    Masaajid camiran iyo inaan                    magac la eegeyne

28.    Musaylama raggiisii hadaan                 masalkood kuu keeno

29.    Minbarada korkeedey iyaba                    mu’adimaayeene

30.    Macruufkoodi lama fiirin iyo                    musalligoodiiye

31.    Wuxuu khaalid madaxa uga guray        waa murtadoobeene

 

32.    Makhluuq aan wax qaban karin hadii       magan la weydiisto

33.    Oo midigta loo hoorsado                        mowle la hilmaamo

34.    Muslinnimo la sheegtiyo inaan                magac la eegeyne

35.    Mushrikiinta sabi’iyo hadaan                masalkood kuu keeno

36.    Mool dheer intuu cali u qodey            naar ku mulafaadshay

37.    Majahoo korreeyaa sidii                     muufo loo dubayo

 

38.    Manhajkii hadii laga bixiyo                      mihimaddii diinta

39.    Juhdi maradii loo gaabsaday                oo madaxii loo xiirtay

40.    Muslannimo la sheegtiyo inaan               magac la eegeyenin

41.    Mintidkii khawaarij hadaan                  masalkood kuu keeno

42.    Mugdigi iyo dulumaatkii bay                   xaq u maleeyeene

43.    Iyagoo munxarafoobay bay                    macangagaayeene

 

44.    Kol hadii maxkamdihii la dhigo               maadi iyo baybal

45.    Oo munazalkii laga tagoo                    munkarkii loo leexdo

46.    Militari jabaabira haduu                         mucaskarkii joogo

47.    Muslinnimo la sheegtiyo inaan                magac la eegeynin

48.    Mufsidiinti tataar iyo hadaan               masalkood kuu keeno

49.    Wixii mowqifkoodii shabaha                baad macood noqone

50.    Dimuqraadi iyo yaasiq waa                     labo mataan ahe

 

51.    Mutanabi’iyo baadiniyadiyo                     uur mariidoo dhan

52.    Mansuubleydi cubeydiyo qadaax             qabriyo maamuusti

53.    Malaayintii shiicada ahayd                   dunida maansheysay

54.    Daa’ifooyinkaan mucayimiyo                  boqol masaalkooda

55.    Intaasoo murtada oo ka baxay               mooradii islaamka

56.    Wixii mowqifkoodi shabaha                    ama macoodii ah

57.    Hadaad muwaxid tahay diin ragaa           kuma midowdeene

58.    Marmarsiinyo uma raadiseen                  maalin iyo leyle

59.    Mushrik baad ka bari noqon lahayd         maxabbadiisiiye

60.    Milladii ibraahiim ayaad                          mari lahaydeene

 

61.    Mandadoow nin ku hayoo gacmihi           kor u mayiiraaya

62.    Odayaal wax badan sii maqnaa               mowtidii dhimatay

63.    Ninka yiri manfaco baan ka sugi         maradkoo lay caafsho

64.    Oo macbuudkii khaaliqay ka tagay          mowlihii abuurtay

65.    Hadaad muwaxid tahay diin ninkaa         kuma modewdeene

66.    Marmarsiinyo uma raadiseen                  maalin iyo leyle

67.    Mushrik waa ka bari noqon lahayd          maxabbadiisiiye

68.    Milladii ibraahiim ayaad                          mari lahaydeene

 

69.    Muxkamkiyo kitaabkiyo ninka                 diiday marinkiisa

70.    Maraykan iyo ruush gaal islaam              makrigii doonaaya

71.    Mulaaxido ninkaasay qodbaha                meel ugu xarriiqday

72.    Oo adiga madfaca kuu sitiyo                moortarka iyo zuuga

73.    Mujrimkaa caddaystee ka baxay              mooradii islaamka

74.    Hadaa muwaxid tahay diin ninkaa           kuma midowdeene

75.    Marmarsiinyo uma raadiseen                  maalin iyo leyle

76.    Mushrik waa ka bari noqon lahayd          maxabbadiisiiye

77.    Milladii ibraahiim ayaad                          mari lahaydeene

 

78.    Maxabbiyo ha joogtee inuu                     mar u sujuudaaye

79.    Macbuudkii abuurtiyo ninkaa                  milladii caayaaya

80.    Oo aan malaa’iktii iyo                            muxamed dhaafayn

81.    Mulxidkaa caddaystee ka baxay               mooradii islaamka

82.    Hadaad muwaxid tahay diin ninkaa         kuma modewdeene

83.    Marmarsiinyo uma raadiseen                  maalin iyo leyle

84.    Mushrik waa ka bari noqon lahayd          maxabbadiisiiye

85.    Milladii ibraahiim ayaad                          mari lahaydeene

 

86.    Maktuubihii salaadaha nimaan                mooralba u hayn

87.    Marfiqeynkiyo nimaan wajiga                  wayso marineyn

88.    Nimaan waajibkii mahindisayn                miday ahaabtaaba

89.    Musrifkaa caddaystee ka baxay               mooradii islaamka

90.    Hadaad muwaxid tahay diin ninkaa         kuma modewdeene

91.    Marmarsiinyo uma raadiseen                  maalin iyo leyle

92.    Mushrik waa ka bari noqon lahayd          maxabbadiisiiye

93.    Milladii ibraahiim ayaad                          mari lahaydeene

 

94.    Murti waan ku iri gabay haduu                muunad leeyahaye

95.    Marax iyo quruur inuu ku galo          waa mushkilad wayne

96.    Mashinkiisu waa daranyahay iyo             makriga shaydaane

97.    Mariid lagu dhintiyo jahannamoo            kuu maldahayaaye

98.    Maqsuudkiisu waa inuu cid badan      marin habowshaaye

99.    Milladaba inuu kaa baxshaa                    mowqifkii yahaye

100. Mukhlis iyo xaniif nimaan ahayn      waa mahlagayaaye

 

101. Musas lama koree xaalka                     waa loo mayaliyaa e

102. Mucaad baa sujuudiyo kufriga             dad u macaaneynta

103. Shubho laguma meeraytso iyo        mabac aan beermeyne

104. Masaaliix aduunyiyo adigoo                    manfaco eegaaya

105. Xaqqa lama mucaanido adigoo uu           maalin kuu yahaye

 

106. Miyir baa wax loo fiiriyaa                        amase miisaane

107. Muraajaco kitaabkiyo baxsi baa        lagu mashquulaaye

108. Rasuulkii macaanaa casharo                   mubashiriintiisi

109. Salafkii muluukyada ridiyo                      gaalo madaxdeedi

110. Maal iyo naf nimankii u huray                 diinta muruqooda

111. Manhaj baa waxa laga dhigtaa           marinkay qaadeene

 

112. Middaad aniga igu qoonsatana                waa matalidoode

113. Mushriggaan takfiirinahayaa             muqadas weeyaane

114. Muwaalada kufaartiyo bidcada                waa maanacaye

115. Baraa’iyo mufaasalo waa                  lagama maarmaane

116. Mowliidkaa dhashay kaa kaxayn             maxabbadiisiiye

117. Waalidkii baa murraha kuu dhadhami      kula macaanaaye

118. Mataanaa ku kala go’ahayiyo          marwiyo zowjkeede

119. Masaafaa lakala cararayaa                     muqarribiintiiye

120. Mucaawino tolka ah baan jireyn              mag iyo qaaraane

 

121. Waxba yaanan mowduuc kaliyo          maaro dheer geline

122. Muslimnimadu qowl ma aha aan        muuqan camalkiiye

123. Maal aabahaa iyo ma aha                 dhaxal ma guudhaa e

124. Mustaqiim dariiqaa jiriyo                        marin la qaadaaye

125. Maalintaa ninkii haysto baa           lagu magacabaaye

126. Mashii’ada rabbiyo towbaduna         waa maftuux furane

127. Qofna waa murtadi ruuxna waa              soo muslimayaaye

128. Ninba waxa maxfuudka ugu qoran    ma gefto weeyaane

 

Who is online

Visitors online – 6:
users – 0
guests – 6
bots – 0
The maximum number of visits was – 2018-11-10:
all visitors – 19369:
users – 5
guests – 19301
bots – 63

Follow us
RSS
Facebook
Google+
Twitter